Zumaia, 1942. Lehen mailako ikasketak burutu zituen, hamalau urte bete arte. Hainbat lanbidetan izan du eskarmentua: hamazazpi urtez bulegari gisa, beste hamar urtez altzari lantegian zurgin lanetan, hiru urte AEK-ko irakasle gisa, beste horrenbeste bikoizketako aktore eta zazpi urtez telebistako aktore Goenkale ETBko saioan bilakatu zen ospetsu. Gaur egun erretiratuta dago. Honetaz gain, bere lumak agerraldiak izan ditu prentsa prentsa idatzian, hala nola, Egin, Euskaldunon Egunkaria, Gara eta Berrian kolaboratu izan du. Bestalde, hiru herri aldizkaritan ere idatzi izan du. Hiru nobelaren egile da: Axun, Susak 1995ean argitaratua eta Iraganean galdua, Txalapartak 2001ean plazaratutakoa. Berriki argitaratu du argitaletxe berberean Aitortza nobela. Eleberri honetan, 36ko gerraren zurrunbiloaren hondoratzetik milaka gizon, emakume, haur eta gazte naufragiotik salbatu nahi ditu protagonista hauetako batzuk, Xixili narratzailearen ahotsaren bidez. Gerrako protagonista anonimo izandako garaiko egunerokotasunaren berri ematen du eleberriak: beldurra, biziraupena eta maitasuna bezalako kontzeptuetatik tiraka, epikotasunetik honatago egon zen munduari begira.