Elkartea > Elkarlanean

Euskal Idazleen Elkartea hainbat elkarte eta erakunderekin elkarlanean aritzen da literaturaren, euskararen eta euskal kulturaren sorkuntza, sustapen, garapen eta zabalkundearen alorretan proposatzen diren egitasmoak gauzatzeko.

Lankidetzan antolatzen diren egitasmoak:

Hugoenea
Hugoenea

Pasaiako Udalarekin sinatutako hitzarmenari esker lortu zuen EIEk Idazlearen Etxea proiektua gauzatzea.

Idazlearen Etxean, Hugoenea-n, euskaraz edo eremu urriko beste hizkuntza batean idazten duten idazleek hartu ahal du aterpe.

Poesia orduak
Poesia orduak

Urtero, irailean, Donostia Kulturako Liburutegi Zerbitzuarekin elkarlanean Poesia Orduak antolatzen ditugu Victoria Eugenia Cluben. 2020an, Fito Rodriguezen Hain zara eder eta Miren Agur Meaberen Nola gorde errautsa kolkoan eztulik egin gabe emanaldien estreinaldia izan zen.

Nekatoenea
Nekatoenea

Hamargarren urtez jarraian, Euskal kultur erakundeak, CPIE Euskal Itsasbazterrak eta Euskal Idazleen Elkarteak (EIE) euskarazko literatura sorkuntza egonaldi bat proposatzen dute Abbadia eremuko Nekatoenean. 2020an, Mundubira 500 Elkano Fundazioaren partaidetzarekin garatu da.

Irakurri, mesedez
Irakurri, mesedez

Bizkaian abian jarri dugun ekimena da "Irakurri, mesedez" izenekoa. Abenduan zehar euskal idazleen hainbat testu ikus daitezke Portugalete eta Sestaoko Metro geltotkietan. Testu horiekin liburuxka bat argitaratu dugu eta herri bitan ari gara banatzen. Horrekin batera bideo bat jarri dugu ikusgai eta aurrez aurreko aurkezpena egiten ari gara.

Liburugintzaren aldeko ituna
Liburugintzaren aldeko ituna

EEE, EIZIE, Galtzagorri eta Editargirekin batera prentsaurrea eman zuen EIEko lehendakaria den Garbiñe Ubedak Uztailaren 16an.

Besteak beste, euskal kulturaren eta zehazki liburugintzaren aldeko itunaren beharra aldarrikatu zuten. Subentzioak baino inbertsioak behar direla zehaztu zen. Pandemiak lehendik itolarrian zegoen sektoreari gogor jo dio eta aurrera egiteko neurriak eskatu ziren. Egiten dena balioetsi eta adostasunak bilatuz aurrera egiteko plan sendo baten beharrra azpimarratu zen.

Manifestua eta prentsaurrekoaren bideoa

2020an lankide izan ditugun erakundeak
2020an lankide izan ditugun erakundeak
  • Donostia Kultura
  • Euskaltzaindia EIZIE, Galtzagorri, Euskal Editoreen Ekartea
  • Nafarroako Liburuaren plataforma
  • Kontseilua
  • Etxepare Institutua
  • Kutxa Fundazioa
  • MetroBilbao
  • Loraldia
  • Portugaleteko eta Sestaoko udaleko euskara zerbitzuak
  • Muskizeko Udala
  • Galdakaoko Udala
  • Oñatiko Udala
Euskal Herritik kanpo parte hartzen dugun ekimenak
Euskal Herritik kanpo parte hartzen dugun ekimenak
  • Galeusca
  • Seguir Creando plataforma
  • Federación de asociaciones de escritores de España
  • European Writers Council
Diru-laguntzak jaso ditugu honako erakunde hauetatik
Diru-laguntzak jaso ditugu honako erakunde hauetatik
  • Eusko Jaurlaritzako Kultura Saila
  • Eusko Jaurlaritzako Hizkuntza politika
  • Eusko Jaurlaritzako Hezkuntza Saila
  • Nafarroako Gobernuko Hezkuntza Departamentua
  • Gipuzkoako Foru Aldundia
  • Bizkaiko Foru Aldundia