Irakurleekin > Eskoletan > Idazleak ikastetxeetan

Zertan datza Idazleak Ikastetxetan?

Liburu bat irakurri eta ondoren idazlea eskolara joango da ikasle eta irakasleekin bere obraz solas egitera. Euskaraz irakurtzea da helburua, prozesua eta ondorioa.

SAIOA ESKATU

“Idazlearen bisita irakurketa prozesuaren azken ginda da“ Mariasun Landa

Solasaldia antolatzeko lagungarriak:

Izarra
IDAZLEEN LIBURU GOMENDIOAK
Info
SAIOA PRESTATZEKO BIDEO TUTORIALAK

Zer egin behar da ekintza aberasgarria izan dadin?

Gakoa: aurrelana. Egindakoaren emaitzaren araberakoa izango da, beti ere. Gure ekintza egun bakarreko oturuntza edo bankete izanik, prestaketa handia eskatzen du eta testuinguruan erabiltzea. Gauzak aurretik prestatu eta lan egitea, ez dugu beste formularik topatu, are gehiago, eginez gero badakigu onuragarria dela.

Ikusi saioak prestatzeko bideo-tutorialak >

Maiz egindako galderak:

EAEko eta Nafarroko ikastetxe guztiek dute parte hartzeko eskubidea. 2025-2026 ikasturtean 360 mintzaldi antolatzeko aukera dugu; EJko Hezkuntza Sailaren laguntzari esker. Parte hartzen duen ikastetxeak 52€ko izena ematea ordainduko du, baina hori onarpenarekin batera egitekoa da. Orain, liburua aukeratu eta izena eman, ez besterik.

Izena emateko epea 2024ko irailaren 9tik 24ra izango da.

Orokorrean, eskola bakoitzeko eskaera bat onartuko da, guztiek izan dezaten parte hartzeko aukera. Bigarren solasaldi bat nahi izanez gero, saio osagarri bat eskatu daiteke; saio hori eskolak ordainduko du (168€ko prezioa dauka). Aparteko saio hori ez da oraingo deialdian eskatu behar, baizik eta baiezko gutuna jaso ostean.

Ekintzaren kalitatea zaintzeko solasaldi bakoitzean ez dira 40 ikasle baino gehiago elkartuko.

Behin idazleak saioa egin ostean, irakasleak azkeneko urratsa eman beharko du: balorazio orria bete. Galdetegi honek saioaren inguruko gorabeherak jasotzen ditu, programak modu osasuntsuan aurrera jarrai dezan. Beraz, balorazio orria bete ostean programak@idazleak.eus helbide elektronikora bidali behar da.

Deskargatu balorazio orria