Karlos Santisteban Zimarro Sormen-lanak
Karrantza, 1960. Zenbait urtetan euskara irakasle izan zen, lehenik Eusko Kontseiluak eta Arabako Ikastolen Elkarteak kontraturik maisu-andereñoak euskalduntzeko eta geroago zenbait euskaltegitan. 1983. urtean Arrigorriagako Udalean lan egin zuen, itzultzaile eta euskara sustatzeko arduraduna izanik. 1984. urteaz geroztik Bizkaiko Foru Aldundian dihardu euskara itzultzaile. Gazte-gaztetatik hasi zen euskal aldizkari eta egunkarietan kolaboratzen eta lehenengo liburua, Hitzak izeneko olerki sorta, 1983. urtean argitaratu zuen. Ordudanik hainbat literatura genero landu ditu eta liburu ugari argitaratu ditu narrazio, poesia zein haur literatura arloetan. Azken urteotan bereziki haur literaturgintzan ari da buru-belarri. Web gune pertsonala kudeatzen du idazleak berak obraren eta bizitza ibilbidearen zenbait datu eskaintzen dituela.