(Bilbao, 1977)

Euskal Filologian lizentziatua da eta Masmédula olerki-argitaletxearen editorea eta fundatzailea izan zen. Itzultzaile eta diseinutzaile egiten du lan, eta artikuluak eta literatur-kritika idazten ditu hainbat hedabideetan.

fuegos fatuos (Premios Joven Creación Literaria, 2003), eleak eta beleak (Ernestina de Champourcín XVII. Poesia Saria, 2007), saco de humos (XIX. Villa de Aranda Poesia Saria, 2010), ártica/artikoa (2012), vacuus (2016), despertar lloviendo (2017) eta Ohe hutsetan (2018) olerki-bildumak, «Tanta» ipuina (XXVIII. Gabriel Aresti Ipuin Lehiaketaren akzesita, 2011) eta Crónicas del encierro ipuin-bilduma (2016) idatzi ditu.

Bere olerkiak zenbait antologia eta aldizkaritan argitaratuak izan dira eta berak hainbat jaialditan ere hartu du parte –Transgeneración 1.0 (2007), Odyssée du Danube (2007), Cosmopoética (2009), Bilbapopoesia (2010), IV. Pentsamenduaren Poesia (2011), V. Pentsamenduaren Poesia (2013), Touch me! (2014), Zelulabakar II. Poesia Topaketa (2014) eta Bizkaiko Foru Aldundiko Literatura Topaketak (2017)–, eta Anabel Lorca, Zigor Barayazarra, Delphine Salvi eta Leire Urbeltz artista plastikoekin kolaboratu du.