Argazkia: Dani BLanco

Iruñea, 1960. Kazetaritzako ikasketak egin zituen Nafarroako Unibertsitatean (1977-1982). Kazetari gisa, hainbat komunikabidetan lan egin izan du, Euskal Telebistan, besteak beste: 1983an hasi eta 1994ra bitartean aritu zen albistegietako erredaktore. Kazetaritza utzi eta itzulpengintzan hasi zen. Urtebete Nafarroako Legebiltzarrean eman eta gero, 1997ko urtarriletik aitzina Iruñeko Udalean ari da itzultzaile eta interpretari. Idazle bezala, Literatura eta harrikoa saiakera du lehen liburua. Hainbat ipuin ere idatzi ditu, besteak beste, JKR, leizeetako eskualdean izenekoa, Lauburu, Pirinioetako Kontakizunak (EIE, 2006) ipuin-bilduma kolektiboan agertua, eta Nabarra aldizkarian argitara emandako Bidaia. Aurrekoaz gain, zutabegile aritua da, hala Euskaldunon Egunkarian (1999-2001) nola Berrian (2003-2004). Egun, Euskalerria Irratian eta Argia aldizkarian da kolaboratzaile dihardu.