“Guk ez dugu gure burua irakurle klubtzat, besteak beste gure helburua sari bat ematea delako”
111 Akademiako koordinatzailea dugu Amaia Goikoetxea Orbegozo (Alegia, 1983). Ikus-entzuteko Komunikazio ikasketak egin, eta hasi zen lanean Beterriko Liburua Ohorezko Literatur Aipamena egitasmoan. Gaur egun, 111 Akademiak Bilbon duen egoitzan, Euskararen Etxean, ari da lanean, Akademiaren pausoak gidatzen. Irulegiko hura bezain zorioneko da, irakurtzeko afizioa ofizio eginik.
“Ez daukagu helburu hotsandikorik: ahalik eta euskal irakurle gehien bilatzea da gure helburua”
Informatikaria da Dabid Martinez (Bermeo, 1986), eta informatikari dira Abaraska taldeko kide gutiz gehienak. Haiek sortua da, besteak beste, Paperjale.eus sare sozial proiektua, “euskal irakurleak eta liburu maitaleak” batzeko sortua, liburuez eta literaturaz euskaraz aritzeko tokia.
“Olerkariak eraginak baditu, baina ari da zinez bere erraietatik”
Iragan apirilaren 16an festa ospatu zuen Hatsa elkarteak urtero ohi duenez. 25. aldia zuen aurten, eta ohi baino mardulago heldu da urteurreneko olerki bilduma ere: Hatsaren Poesia. Auxtin Zamora Durrutik asmatu zuen eguna, asmatu argitarapena, eta ez du harrezkero urterik hutsik egin. Eta geroan ere iraun dezan, Ainara Maia Urrotz idazle eta itzultzailea du orain Zamorak poesia bildumaren arduradun. Lehen galdera egin aurretik ere, izen arrosarioa esaten hasi da: poetak dira denak...
“Poesiak oraina esplikatzeko balio du, eta, ahal bada, etorkizuna esplikatzeko ere bai”
Urrian egonaldia egin zuen Pau Vadell Vallbona (Calonge, Santanyi, 1984) idazleak Pasaia Donibaneko Hugoenea idazle-etxean. Historian lizentziatua eta Literatura Katalanetan Masterra da, eta poeta, editore eta kultur kudeatzaile. Idazle gazteen Pèl Capell kolektiboaren sorreran parte hartu zuen 2008an, Adia Argitaletxea sortu zuen duela hamar urte. 2017an, Jocs Florals de Barcelona Poesia Saria irabazi zuen Esquenes vinclades (Bizkar elkartuak) lanarekin. Poeta baita, poesia liburu bat hartuta joan gintzaizkion: Hilda dago poesia? ¿La poesía está muerta? (Pamiela, 2016) Joseba Sarrionandia egile.
Ainhoa Añorga, Berlingo Euskal Etxearen presidentea
Donostiatik Berlinera joan zen Ainhoa Añorga 90eko hamarkadan bere alemana hobetzeko. Laster Euskal Herrira itzuliko zela pentsatu arren, han geratu zen, eta gaur egun Berlingo Euskal Etxearen presidentea da. Berarekin hitz egin dugu, Berlinen egosten ari dena jakiteko.
Pantxika Urruty: “Ximena, biziki inportantea izan da gutako bakoitzarentzat. Gurea den zerbait da”
Azken hamarkada hauetan badirudi Zuberoako pastoralaren antzerki-eredua hedatzen ari dela, bertan, bai eta Zuberoatik kanpo ere, gaitzeko arrakasta lortuz. Emazteak ari dira orain aktore, errejent eta idazle gisa ere. Baina ez da beti horrela izan. Pantxika Urruty (1955) barkoxtarrak, emaztez osatu Ximena pastoralean parte hartu zuen, 1979an. Bere esperientzia kontatu digu.
Lurraz beste (Txalaparta)
Poltsan dakargun liburuko protagonistetako bi izan gintezkeen Garazi Arrula (Tafalla, 1987) eta biok, plastikozko landareak dituen kafetegi zaharberritu bateko mahairik diskretuenean eseri eta, bizkotxo puska bana jaten dugun bitartean, elkarrizketatzailearenak eta elkarrizketatuarenak egiten. Editorea, itzultzailea, idazlea da eta bigarren argitaraldian doa udaberrian publikatu zuen Lurraz beste (Txalaparta) ipuin-bilduma.
HARTZAREN ITZALA PIRINIOETAN
2072 metro gorako Bonaigua portuko C-28 errepide ertzean, Sorpeko oihanaren aldetik, jende askok filmatu dute hartz familia bat paseatzen, zuhaitzetara igotzen, ama bat eta bi ume dirudienez. Irudiak, Kataluniako telebistan azaldu ziren arratseko berri-sailetan. Hartzak ikustea gertakari mediatikoa bihurtu da, bereziki Auñamendi kate osoko ipar eta hegoko maldetan, duela zenbait urte arras erauzi zirenez geroztik. Aberearen eta gizakiaren -baina gizakia ez al da bera ere abere bat?- harreman luze eta gatazkatsuaren historia horrek, hizkuntza ezberdinetan harilkatzen diren gure kultura eta literatura pirenaikoak betetzen ditu. Historia hori da hemen kontatuko duguna.
“Beti nuen literaturara itzultzeko gogoa”
Joan den aspaldian hainbat saiakera argitaratu eta gero, literaturara itzuli da Eneko Bidegain Aire, udaberrian nobela argitaraturik, Bichta éder (Elkar, 2023). liburuaren azaleko jauregi zaharrak Ipar Euskal Herrian ohi den higiezin proiektu baten atariko dugu. Promotorearen asmo ezkutua, batetik, eta asmoaren ilunaz oharturik ikerketari ekingo dion kazetariaren lana, bestetik, eta hainbat hari, pertsonaia eta istorio tartean: eleberri mardul ederra dugu emaitza.