Goierri, 1921-2010. Soldaduzka egin eta Legazpiko Patrizio Etxeberrian hasi zan lanean, 1945ean. 1950eko ekainaren 10ean ezkondu, eta Legazpin jarri bizitzen. Semea eta alaba izan zituzten. Herri honetan gustora bizi bada ere, ez dauzka saltzeko bere jaioterria eta Aizkorripeko herriak. Erraz eta sarri aipatzen ditu Zerain, emaztearen jaioterri den Zegama, Segura, Azitiria, Idiazabal, eta abar. Zeruko Argia eta Goiz-Argi astekarietan, eta Donostiako La voz de España eta Diario Vasco egunkarietan idatzi du, inoiz bertsotan inoiz hitz lauan. Eta horiez gainera, Goierriko lorak (Auspoa 98-99 1970), eta Otemotxeko arnasa (Auspoa 173 1984) bertso liburuak argitara eman ditu. Hitz lauan egindako artikulu asko han eta hemen sakabanaturik dago. Bildu eta argitara emango al dira noizbait.