Tarragona, 1947; Gasteiz, 2008. Filosofia eta Letretan lizentziatu zen, Filosofia Hutsaren sailetik, Madrileko Complutensean, 1981ean, Alfred N. Whitehead filosofoaren gaineko Memoria batez. 1987an eskuratu zuen Euskal Filologiako Doktore titulua, Maurice Harriet (1814-1904) apaizaren hiztegiari buruzko Tesiaz, Koldo Mitxelenaren zuzendaritzapean. Euskal Filologiako katedraduna zen, Euskal Herriko Unibertsitatean, eta euskaltzain osoa. Artikulu eta liburu ugari idatzi zituen. Gai hauek zituen gogokoen: pertsona- eta leku-izenak, euskararen historia eta euskal testuak. Landazuri, izen bera duen Gasteizko Elkarteak argitaratzen duen aldizkariaren arduraduna izan zen.