Unai Baztarrika Otegi (Beasain, 1982).

Mondragon Unibertsitatean injinerutza informatikoa ikasitakoa eta arlo horretan dihardu gaur egun profesionalki lanean Arrasateko kooperatiba batean. Literaturari eta lehiaketei dagokionez, batxilergo garaian sari batzuen irabazlea (Azkue eta Urruzuno sariak) izana. Idazketatik urrun ibili ondoren, Bergarako idazle eskolaren bitartez idazketara hurbildu berri den idazlea. 2013an Blas de Otero VI. Lehiaketa irabazi ondoren, sariari zegokion modura 2014ko maiatzean kaleratu du bere lehen poema bilduma: Ezinbestean (Erein).