Kazetari gisa 15 urteko ibilbidea du. Bizkaia Irratian (2001-2015) eta Hamaika Telebistan aritu da, eta EITBn ere kolaboratzaile gisa jardun du. EIEren literatura saioan eta Aikor! eta Gaztezulo aldizkarietan kolaboratu du. UPV/EHUko Kazetaritza Sailean da irakasle 2015etik. Kazetaritzan lizentziatua da UPV/EHUn. Euskal nazionalismoa XXI. mendean masterra eta Nahitaezko Bigarren Hezkuntzako eta Batxilergoko Irakasleen Prestakuntzan, Lanbide-Heziketan eta hizkuntza-Irakaskuntzetan unibertsitateko masterrak egin ditu. Mendebalde Kultura Alkarteak eta EHUk antolatuta, ahozkotasunaren ikastaroetan irakasle jardun du. Foru Liburutegiko Euskara Irakurle Taldeko irakasle ere izan da. 

Ekitaldi askoren aurkezpen lanak egin izan ditu. Aipagarriak dira Gutun Zuria, Getxo Jazz edo ABAO-OLBEren denboraldia, beste askoren artean.

Argitalpenen akademikoez gainera, Euskaldunaren Anekdotak liburua da azpimarragarria. Irakurketa ozenaren inguruko ikerketa lan bitan ere parte hartu du, Iñaki Gaminde buru: Irakurketa ozena ebaluatzeko irizpideak Bizkaian eta Irakurketa ozena Bizkaian lantzeko materialak.