Elizondon (Baztan) sortu zen 1985ean eta Iruñean bizi da egun. Kazetaritza ikasi zuen eta 2010etik kazetari autonomo bezala ari da Diario de Noticias de Navarra egunkariko Kultura sekzioan, Nabarralde Fundazioan komunikazio arduradun bezala duen lanarekin uztartzen duen jarduna. Ikus-entzunezkoen arloan, gidoigintza eta muntaia lanak egin ditu (“Arantzazu, harriz herri”, “Beloagako gaztelua”, Nabarralde Fundazioaren “Memoria lekuak” saila...). 2018an, “Maria Zugarramurdikoa eta sorginduak izan ziren emakumeak” komikia idatzi zuen, Adur Larrearen ilustrazioekin. Moderatzaile eta aurkezle lanak egin izan ditu hainbatetan, bezero desberdinentzat.

Kultura, feminismoa, historia eta ondarea ditu hizpide bere lanetan, nagusiki.