![Mikel Alvarez](https://idazleak.eus/storage/irudiak/idazleak/opCVIRX6TVqsWWtXICQAw0JYTOdCWavDnlatDHb2.jpg)
Mikel Alvarez Sormen-lanak
1982an jaio nintzen Beasainen ikastola andereño eta sindikalista baten etxean. Beti izan dut garbi nirea istorioak kontatzea zela baina nerabezaroko behe lainoak gidatuta Soziologian lizentziatzen amaitu nuen Leioako Campusean. Eta eskerrak, horrek eman baitzidan nire ametsei heltzeko behar nuen indar eta lasaitasuna. Ikusentzunezko Komunikazioa ikasi nuen gero MUn eta handik lan merkatura jauzi egin nuen buruz. Nire aisialdian telesail proiektuak garatzen aritu naiz gidoilari moduan Moriarti, Orio edo Irusoin bezalako ekoiztetxeekin baina nire eguneroko bizitza Goierri Irrati Telebistan igaro dut gidoigile, aurkezle, kamera, editore, programatzaile, tekniko, igeltsero edo bonbilak aldatzen. Gaur egun, Bira Produkzioak ekoiztetxean nabil nirea den horri bide eman nahian, istorioak kontatzea, hain zuzen ere.