Maite López Las Heras Sormen-lanak
Azkoitia, 1985.
Filologia Klasikoan lizentziaduna, irakaskuntza du ogibide. 2018an argitaratu zuen bere lehen poesia liburua, “Pienso, luego escribo”, Círculo Rojo argitaletxearekin. 2020an grekotik zuzenean euskaratutako mendebaldeko lehen emakume poetatzat hartzen den Saforen olerkiak argitara eman zituen, “Safo, poesia guztia”, Balea Zuria argitaletxearen eskutik. 2022an “Amatu” izeneko saiakera argitaratu du Alberdania argitaletxearekin, amatasunaren inguruko lehen pertsonan idatzitako gogoeta liburua.
Artikulu-idazle gisa ere hainbat kolaborazio idatzi ditu, Azkoitiko Maxixatzen aldizkarirako eta Elinberri aldizkari digitalerako. Azken horretan argitaratutako artikuluak ondorengo estekan irakur daitezke: https://www.elinberri.eus/kategoriak/gogoeta/zaharrak-berri-maite-lopez-las-heras/
Poesia-liburuen erreseinak argitaratzen ditu hilero Koldo Mitxelena Kulturunearen web-orriko Poesialeku atalean.