Kazetari, idazle eta eragile feminista kuirra da. Pikara Magazine aldizkaria sortu zuen 2010ean, eta haren koordinazio taldean aritu zen hamar urtez. Pikara-z gain, Argia aldizkarian kolaboratu du bereziki, 2013 urtetik, zutabegile moduan hasieran, eta erreportaje zein elkarrizketekin gaur egun. Berria, Ttap eta Guraso.eus hedabideetan ere kolaboratu du, besteak beste. Euskara eta sexu disidentzia ardatz dituzten bi proiektu sustatu ditu: Nola esan/izan bollera euskaraz (Amaia Alvarez Uriarekin batera) eta BiZi Bisexualitatea (Oli Artola Apeztegiarekin batera), Zinegoak eta Histeria Kolektiboak babestuak. Hurrengo libururen egilea da: 10 ingobernables, Abrir el melón, Amatxo bolloen tribua, Mariokerrak eta Aingeruak eta neskameak.