Iosune de Goñi García (Burlata, 1993) idazlea, argazkilaria eta itzultzailea da. Filosofiako Gradua amaitu ostean, Bartzelonan Literatura, Artea eta Pentsamenduari buruzko Ikasketa Konparatuen Masterra egin zuen. Egun itzultzaile bezala lan egiten du Alianza argitaletxean, Ingeles Ikasketetako Gradua amaitzen duen bitartean. 2020an Trenza roja fanzinea argitaratu zuen, Inés Martínez idazlearekin batera. Bere testuek hainbat sari jaso izan dituzte. Besteak beste, 2021ean XXI. Pasaia Hiria-Xabier Portugal olerki lehiaketan lehenengo saria eskuratu zuen, Gorputz baten aztarnak elurretan poema-liburuarekin, eta Egile Berrientzako XXXI. Euskarazko Literatur Lehiaketan ere irabazle suertatu zen, Itzala uraren azpian lanarekin. Euskaraz zein gaztelaniaz idazten du eta Liberoamerika argitaletxeko editorea da.

Sare sozialak

Twitter: @iosunedegoni

Instagram: @iosunedegoni