Lekeitio, 1971. Euskal Herrian artista, abeslari eta musikari gisa ibilbide luzea egin ondoren, Iñigito Txapelpunkek jauzia egin eta bere idazle fazeta erakutsi digu. 35 urtetan ehundaka abesti idatzi eta argitaratu eta gero, egun haur literaturara egin du saltoa.

E.H.Magikoa Euskal Herrian garatzen diren haurrentzako ipuin-bilduma da eta magiaz eta abenturaz betetako istorioak kontatzen ditu, adiskidetasuna eta elkartasuna bezalako funtsezko balioak transmititzen dituztenak. Natura eta berdintasuna oso presente egongo dira bilduma honetan, Iñigito Txapelpunkek barruan daraman haurraren magiatik eta sentimenduetatik kontatuta. Lehenengo liburua 2020ko azaroan argitaratuko da, eta “Gabonetako ipuinak” du izenburua. Olentzeroren, Maridomingiren eta beste askoren jatorria kontatzen duen trilogia da. E.H. Magikoa. “Gabonetako ipuinak” hamaika kantako CDa darama barruan, herrialde magiko horretara bidaiatzen lagunduko digutenak. Euskal Herriko zazpi probientzietan, herriz herri, gertatutako istorioak kontatuko dizkigu bilduma honetan zehar.