Bilbo, 1970.

Leioan kazetaritza ikasketak egin zituen, eta kazetaria da lanbidez. EITBko irratietan jardun du azken urteotan: Euskadi Irratian eta 2007az geroztik, Radio Euskadin. Honez gain, kolaborazio ezberdinak egin izan ditu bestelako hedabideetan: Berria edo Ttap; eta literaturarekin lotutako aurkezpen eta epaimahaikide gisa aritu da zenbait lehiaketetan. 2000 urtean argitaratu zuen bere lehen liburua Korte bat mesedez (Alberdania) izenburupean eta azkena, berriz, 2021ean argitaratu zuen Krakovia (Erein) izeneko eleberria.