Argazkia: Dani Blanco

1957an Iruñean sortua. Berrogeita hamar urte egin ditut eraikuntza lanetan: “yesaire” edo igeltsari, enkofradore, hargin, pintore... Egun, 2023tik goiti, erretiratua naiz.

Huarte y Ciª, Dragados, Mariezkurrena, Sota hondeaketak... eta dozena bat enpresa gehiagotan lan egin dut, Euskal Herrian, Frantzian, Espainian, Italian... beti ere ofizio eder horretan; hargintzan, hots.

Euskaldun berria. Militante antifrankista, antifaxista zuhur-hagina sortu zitzaidanetik... gaur artio.

Gazte gaztetik poesiaren eta antzerkiaren miresle; berantago bertsozale eta, sustut, pastoralzale kartsua.

Nik idatzi bi pastoral jokatu dira plazan: Karmen Etxalarkoa eta Maddiren Trajeria, 2017an eta 2023an, hurrenez hurren.

Bertso liburu bat Txalaparta argitaletxearen eskutik plazaratu nuen 2015ean: Harat-Honat, jonki baten trajeria.

GARA egunkariaren eskutik, GAUR8 izeneko gehigarrian, beste pastoral bat argitara eman nuen 2021eko udaldean, agorrilean eta irailean, kapituluka: Eta Maita Herria pastorala.