Zizurkilen (Gipuzkoa) jaioa 1964ko abuztuaren 22an. Euskara irakaslea. AEKko Bizkaiko arduraduna izan zen 1991-2001 aldian. Ondoren, Euskal Herriko Ikastolen Konfederazioko hizkuntza ardura hartu zuen. 2008an Eusko Jaurlaritzako HIzkuntza Politikarako Sailburuordetzako Hizkuntza Ikerketa eta Koordinaziorako zuzendaria izendatua izan zen. 2009-2010 aldian, Euskal Herriko Ikastolen Konfederazioan, irakaskuntzarako material digitalen Itsasargia atariaren egitasmoaren zuzendaria izan zen. 2011z geroztik, EUskaltzaindiko idazkariordea eta euskaltzain urgazlea, 2013tik. Eusko Jaurlaritzaren Euskararen Aholku Batzordeko kidea 1995-2007, idazkaria 2008-2009 eta 2017tik aurrera.

Euskarazko hedabideetako ohiko kolaboratzailea, ehunka artikulu idatzi ditu. Bestalde, Argia, Karmel, Bat, Euskera eta Hermes aldizkarietan hainbat artikulu idatzi ditu euskararen bilakaeraz, soziolinguistikaz eta abar.