Lazkao, 1976. Zuzenbidean lizentziaduna da, eta lanbidez itzultzailea. Aizpuruaren lehenengo argitalpena Fortunaren gurpila izan zen (Iruñeko Udalaren Egile Berrientzako 2008ko Literatura Lehiaketako bigarren saria narrazio laburren arloan). Hiru nobela beltz argitaratu ditu Erein argitaletxearen Uzta Gorria sailean: Errauts (2011), Herensuge gorriaren urtea (2013) eta Lehertu da festa (2016). 2018an, Robert Menasse austriar idazlearen Der Europäische Landbote / Europar mezularia (Katakrak) saiakera euskaratu zuen. 2020an, Tene Mujika bekari esker, Bidasoan gora (Elkar) saiakera literarioa argitaratu zuen. Horretaz gainera, Beste Hitzak-Other Words hizkuntza gutxituen Europako literatura zirkuituan parte hartu du Herbehereetako Frisia eskualdean egindako egonaldi baten bidez, eta bidaia kronikak idatzi ditu Berria egunkarian.