Ahots Planeta podcast feministaren zuzeneko saioa maiatzaren 27an
Sorkuntza poetikotik itzulpengintzara izenburupean Leire Bilbao eta Bego Montorio gonbidatu ditugu eta Ahots planeta gidatzen duten Garazi Albizuarekin eta Idoia Carramiñanarekin ariko dira. Bilbon izango da, maiatzaren 27an, Euskararen etxean.
Ahots planeta podcasta literatura feminista sustatzeko hasi zen eta dagoeneko badira 4 atal entzungarri. Aldiro liburu bat aztertu dute baita idazketa ariketak proposatu, entzuleak parte har dezan. Oraingoan aurrez aurrez izango gara esatari eta entzuleak, eta bertaratu ezin duenarentzat Twitter Space erabiliko dugu esaten direnak non-nahitik entzuteko.