Internazionalista, euskatzale, bertsozale eta Euskal Filologian lizentziaduna. Helduen euskalduntzean lan egin du eta EGA aztertzaile izan da. Gaur egun, Literatura Unibertsala eta Euskara eta Literatura irakasten eta llilburuzain dihardu Bigarren Hezkuntzan. Poesia, ipuingintza eta euskal antropologia maite ditu eta bide horri jarraiki argitaratu ditu bere lehen lanak, alde batetik, Kapuscinskiren Erretrobisorea olerki-bilduma; bestaldetik, Olentzero-enborra neguko errituei buruzko haur literatura liburua Malen Amenabar ilustratzailearekin batera. Horrez gain, antzinako ohiturekin eta mitologiarekin lotutako ipuin kontaketak ere egiten ditu.